Isimgħu lill-istudenti u agħrfu l-bżonnijiet tagħhom, u mhux tal-ekonomija biss.
Matul l-aħħar ġimgħat rajna lill-kunsilli tal-istudenti ta’ tliet skejjel post-sekondarji partikolari joħorġu stqarrija indirizzata lill-Prim Ministru, lid-Deputat PrimMinistru, lis-Supretendent tas-Saħħa Pubbliku, u lill-Ministru tal-Edukazzjoni. Dawn huma proprju l-kunsilli tas-Sixth Forms ta’ San Alwiġi, De La Salle, u St Martin’s.
It-talba tagħhom f’din l-istqarrija kienet sempliċi – dik li jingħataw lgħażla li jmorru lura l-iskola għal-lezzjonijiet.
L-iskejjel post-sekondarji u terzjarji tħallew il-baħar
Sfortunatament, donnu f’dan il-pjan sħiħ sabiex il-pajjiż jerġa’ jiġi fuq saqajh, l-iskejjel post-sekondarji u terzjarji tħallew il-baħar. It-turiżmu, il-ħwienet “mhux essenzjali”, il-bars, ir-restoranti, u l-bqija fetħu bwiebhom beraħ – iżda l-istudenti tal-post-sekondarja tħallew id-dar, wara skrin ta’ laptop, jissieltu biex isegwu l-lezzjonijiet monotoni ta’ kuljum; mis-sodda għal-laptop u mil-laptop għas-sodda. Minn mindu sirna nipprijorittizaw dak li hu “mhux essenzjali” fuq dak li hu essenzjalissimu?
Bħalma tenna l-gvern bosta drabi, wieħed mill-aktar setturi importanti huwa l-edukazzjoni u madankollu jkun ideali li ledukazzjoni ssir fiżikament fl-iskejjel. Allura la hi daqshekk importanti l-edukazzjoni, kif lill-istudenti post-sekondarji ma tajtuhomx iċ-ċans li jirritornaw għall-iskola, f’ambjent soċjali iżda kontrollat? Minn tant setturi u istituzzjonijiet, lill-iskejjel postsekondarji kellna nissagrifikaw?
Is-sens ta’ rutina li wieħed jiggwadanja milli jmur l-iskola jippreparah għall-ħajja tiegħu bħala ħaddiem fil-futur u anke żżomm lill-istudent milli jitgħażżen u jintelaq u jiskarta. Uliedna jixbgħu jsegwu l-lezzjonijiet minn wara skrin u huwa faċilissimu li dak li jkun qed jiġri madwarhom fid-dar itellifilhom l-attenzjoni tagħhom.
Ta’ min isemmi wkoll lill-istudenti li minħabba xi kundizzjoni ma jirnexxilhomx isegwu l-lezzjonijiet online, anke jekk ikollhom il-potenzjal li jmorru tajjeb ħafna fl-iskola. Hemm każijiet fejn studenti f’Sixth Forms qed isibuha bi tqila biex jifhmu dak li jkun għaddej waqt il-lezzjonijiet online.
Kwistjoni oħra tinsab fil-fatt li l-iskejjel tal-Ingliż se jiftħu iżda liskejjel post-sekondarjiMaltin le.Minkejja li huma tal-istess etajiet, ħa nżommu lil ċittadiniMaltin milli jmorru l-iskola u nħallu lill-barranin jagħmlu l-kontra.Mhijiex kwistjoni ta’ staġjonalit. u għax l-iskejjel tal-Ingliż jiftħu biss fis-sajf. Il-virus mhuwiex staġjonali.
Jekk istituzzjoni se tiġi trattata mod, istituzzjoni simili ħafna tagħha għandha tingħata l-istess libertajiet. Apparti minn hekk, ħa nagħmlu ċert li dawn it-turisti edukattivi jkunu ħadu t-tilqima? Issa li ż-żgħażagħ ta’ 16-il sena ’l fuq jistgħu jieħdu l-vaċċin, għalfejn ma ndaħħluhomx lura l-iskola, speċjalment dawk l-iskejjel li għad fadlilhom madwar xahar ieħor mis-sena skolastika?
Wieħed jista’ jargumenta li dawn l-iskejjel se jkunu saħansitra aktar siguri mill-iskejjel primarji u sekondarji għas-sempliċi raġuni li l-istudenti post-sekondarji se jkunu mlaqqmin kontra l-COVID-19.
Hawnhekk jaqa’ l-argument li sar minn xi persuni li l-ftuħ tal-iskejjel post-sekondarji qiegħed jimxi id f’id mal-programm ta’ tilqim u għalhekk inżammu magħluqin.
Apparti minn dan, hemm Sixth Forms li matul il-ftit żmien li għamlu miftuħin b’sistema ibrida, fejn l-istudenti tal-ewwel u t-tieni sena kienu qed jalternaw ġimgħa b’ġimgħa, ma kellhomx trasmizzjonijiet interni fl-iskejjel tagħhom. Allura kif ħa nmeru n-numri u npinġu lil dawn liskejjel qishom huma qed jikkawżaw l-akbar ammont ta’ każijiet?
Ħsara fuq livell edukattiv, fiżiku u mentali
Lil dawn l-istudenti mhux qed issirilhom ħsara fuq livell edukattiv biss iżda anke fuq livell fiżiku u mentali. In-nuqqas ta’ soċjalizzazzjoni ma jagħmel ġid lil ħadd, speċjalment meta jkollok bejn 16 u 18-il sena.
Għalfejn qed inċaħħduhom minn dan? Forsi għax dawn l-istudenti jistgħu jibqgħu d-dar waħedhom waqt li l-ġenituri jew il-kustodji tagħhom joħorġu għax-xogħol biex idawru r-rota ekonomika? M’iniex qed ngħid biex jiddaħħlu lill-istudenti l-iskola u nħalluhom jagħmlu li jridu. Altru minn hekk, il-protokolli kollha għandhom jiġu segwiti u kull min jinqabad jikser xi miżura għandu jiġi kkastigat.
Minn dan l-aspett b’mod speċjali, m’għandniex nittrattawhom ta’ tfal żgħar. Imma għall-inqas tuhom l-għażla li jmorru l-iskola. Min irid jibqa’ d-dar minħabba xi vulnerabbilt. jew anke sempliċiment għax irid jibqa’ sigur kemm jista’ jkun id-dar, għandu jkollu kull dritt li jagħmel dan u jsegwi l-lezzjonijiet online b’mod kemm jista’ jkun effettiv. Iżda l-għażla hemm għandha tkun, speċjalment issa li l-każijiet qegħdin baxxi ħafna.
Il-loġika li nibagħtu lill-istudenti l-iskola meta jkun hemm mitt jew mitejn każ kuljum imma ma nibgħatuhomx meta jkun hawn erba’ jew żewġ każijiet kuljum ma treġix.
M’għandux ikun hemm kriterja ġenerali għall-ftuħ tal-iskejjel postsekondarji, iżda l-awtoritajiet tas-saħħa għandhom jikkunsidraw liskejjel b’mod individwali u anke jagħtu lill-amministrazzjonijiet tal-iskejjel rispettivi il-libert. li jagħżlu jiftħux jew le.
L-iktar ħaġa importanti hija din: isimgħu lill-istudenti u agħrfu lbżonnijiet tagħhom, u mhux tal-ekonomija biss.Mingħajr edukazzjoni olistika m’hemmx ekonomija innovattiva.
L-istudenti m’għandhomx ikunu l-ħaruf tas-sagrifiċċju.
(Dan l-artiklu ġie ippublikat fuq il-gazzetta Il-Mument – 23 ta' Mejju, 2021)
Commentaires